Härzbluet ❤️💙

min einzig Club vo ich wirklich Fan bi sit über 50 Joor.

E Familie Gschicht…

S erschte Spiel im alte Joggeli vor witt über 30 joohr, unzähligi internationali Fahrte mit ganz viele emotionale Erinnerige, unglaublich vieli Freundschafte und Bekanntschafte, s After Match Bier in dr Hattrick. Dr FCB zieht sich wiä ne rote Fade durch mis Lebe!

Farbe. Identität. Läbenssinn.

Teil der Identität.
Nur wenn me au in schlächte Zite mit drbi isch,
isch me wirklich drbi! Alles andere isch Banane.

der Club meines Herzens und der gehört in Basler Hände

nid in Wort z fasse – aber sicherlich kei Bestandteil vomene usländische Firmekonsortium.

e Beryycherig für mis Läbe. Rotblaui Zyte, Erfahrige, Erläbnis, Emotione. Dr FCB isch verankeret bi so vilne. Dem Verein muess me Sorg geh.

e Liebi uff ewigs, wo immer zur Familie ghöre wird, in guete, wiä au in schlächte Zyte. Zum dä Verein fiehre bruchts Emotione und Liedeschaft! Genau das fehlt bir aktuelle Fiehrig, bim Trainerteam und au bim Team. Es got nid um Läbe und Tod. Es goht um Meh!

E joorzehnte lange begleiter mit sehr vielne fründschafte…

e soziale Träffpunggt wo me mit Respäggt und Wärtschätzig mitenander umgoot. Leider isch das unter dr aktuelle Fiehrig zu oft nid dr Fall gsi.

für vili joore emotione, freud und leid egal ob dehei oder uswärts. leider git er aktuell in dere surreale zyt nid dä halt resp. die freud wo me sich wünsche wurd

nid numme Teil vomene Sport. Es versteckt sich so viel mehr hinter däm Wort.

Meh als bim Burgi in Kopf ihnepasst, er isch s Sinnbild vo däre Region und unserer Schöne Stadt, E Familie, E Einheit, E Stadt.
FCB Mir Liebe Di

Alles gä fyr Rot und Blau

für immer und Daag, egal wohii i gang!

Emotion, Liedeschaft, Stolz pur!
Sgit nüt tollers als mit Nervekützel im Stadio zstoo ka mitsinge und unsere FCB zum sieg trage.

… Fründe, Familie, Identifikation, Lyydeschaft, Traditione, Gemeinschaft.

ewigi Liebe. Friehner, hütt, für immer (und ä Daag)

…und das no s‘erschte FCB-Shirt vo Ende 60er-Johr ❤️💙
VALE CHUM BALD ZRUGG !!!

e konstanti Begleitig in mim Lääbe und die grossi Liebi wo syt minere Kindheit nie kleiner worde isch. Und das söll au in Zuekunft so bliibe könne!

Lache, singe, fiere – Familie

…e Grund zum e jedes Spiel z verschiebe.

♪♫♪♫♪♫♪♫♪♫♪♫
lalalalalalalalalalalalalalalalala
für di würd ich
lalalalalalalalalalalala FCB
♪♫♪♫♪♫♪♫♪♫♪♫

e Teil vo Basel, Emotione, Freud, Leid, Fründe und e härzensaglägeheit

Emotione, Stimmig, Faszination, Liideschaft u.v.m
Zu schlechte wie au gute Ziite!

eine grosse Familie, ein grosses Stück Heimat, eine riesengrosse Liebe!

Eine wichtige Konstante in meinem Leben die ich seit 1982 liebe und mit ihr leide. Ich kann mir kein Leben ohne ihn vorstellen.

e ussbräche us em alldaag!

Emotione mit tuusige Lüt us allne Gsellschaftsschichte teile. Die Liideschaft bliibt s Lääbe lang. Stell dr vor, öpper macht das kaputt…

E Familie fürs Lääbe, Fründschafte über d Landesgränze use, schlicht die rotblaui Liebi wo mi s Lääbe lang begleitet…

Dangge vielmol Mama hesch mi damals mitgnoh in unser Joggeli, untere Totomat, woni die ersti FCB-Luft ha dörfe schnuppere!

alles und nomeh

HÄRZBLUET

Familie

I mim Härze immer und überall drby

tolli Erinnerige, viel Abentüür und unzählig schöni Moment. Aktuell leider nur Wuet, Ernüchterig und kei absehbars Änd vo däm ganze Schlamassel.

viel z’wichtig zumen dene zwei Glöön z’überlo und nüt drgege z’mache

e stete Beglaiter sit minere Kindheit…. aber ohni Burgener und Heri!

e Institution! Und Institutione sott me mit Respäkt behandle und nit mit Inkompetänz und Gäldgiir z‘Grund richte

…Öppis, wo ich, sit minere Kindheit, mit mim Babbe teil. Die vielä Magischä und au nyyd so schönä Nächt im Joggeli, ä Einzigartigi Magie❤️💙. Eifach Familie, Spannig, Erinnerigä fürs Läbe und Emotione.

Ustoobe und sich wie dehai fühle

meh als NUR e Verein!!!

Unbeschriblich!!

…….. die groossi Hoffnig, wieder emool im 7. Himmel
z‘schwääbe, wenn e MAISCHTER – FYYR voor dr Türe schtooht…..!!!!!

soviil und no viil meh. Je älter ich wird, umso meh….. Und ehrlig: lieber Nati B, als mit em Bernhard B. und sine Konsorte….

… e lebändige und aimolige Farbtupfer, wo mi bewegt, begeischteret, paggt, liide, schwärme und verzwiifle, aber nie kalt lost; jetzt erscht rächt nid!

unverzichtbar. Hüt vor 25 Joor bin i an däre Stell d Stääge uffe ins alte Joggeli, ha di s erscht Moll gseh und sithär losch mi nümme los. Das mues so bliibe.

es Gfühl vonere Verbundeheit mit ere eimalige Stadt, unbeschrieblichi Emotione um & mit em Fussballgscheh z‘Basel, en Institution vo zu Basel ghört wie s‘Spaletor, dr Rhy und d‘Fasnacht. Ai Liebi, wo ni verlöscht, egal was passiert.

…Emotione und au Traditione…
Ei Gmeinschaft und ei Zughörigkeit wo ich suscht no niene empfunde ha. Mis Härz schloht Rot Blau! ❤️💙

Tradition…
………………..vom Babbe zum Sohn!

Emotione, zäme Basel, Fründe, volle Isatz, Fuessball

mee als e verein!

Lideschaft, Herzensaglegeheit, 2. Familie, die witigschti Nebesach!

mit und gege dr Strom z schwimme, immer für d Sach, d Farbe, dr Stolz und d Treui.

Für immer rotblau

Selber dfyr sorge, dass rotblau widrmol gwünnt.

Härzenssach❤💙

das worum sich alles dreiht.

mit dr Groossmamme die ersti Fahne z naaie und die voller Stolz immer und überall hoch z halte.

STOLZ, EMOTIONEN UND FAMILIE

Trotz em rote Fötzel bin y kai Schwizer – y bi Basler!
Dangge an mini Familie, asr mi mit däm Virus infiziert hän!

Hienerhutt.

Sit ich e chind bi alles für mich und wird mich bis in tot begleite.

…wie e guets Konzärt. Aber im Momänt wie e schlächte Film..

Ai stadt ai liebi für immer und ewig ❤️💙❤️💙

Drey Modefan hän mini Farbe , mi Verein an d‘ Wand g’fahre und das sind kaini FCB Fan und das chönne sie au ni wärde , e Gruss an alli ächte Rotblaue Seele…..

Dr FCB het mii mi e Lääbe lang begleitet. S einzigaartige für mii als Basler isch immer die unglaublig integratiivi Kraft vom FCB gsii wo alli Basler zämme brocht het. S Geegeteil vo hütte. Wäge dämm findi müen mir uns wider uff die alte Wäärt bsinne. Das goot numme mit ere aaschtändige Vereinsfüerig wo nid numme ans Gäld dänggt.

E Grund zum Duurebisse.

Öppis wo uns alli zumene homogene Gmisch vereint, egal welles Alter, welli politischi Ihstellig oder welle Hintergrund. Dr FcB isch Läbensinhalt und kei Wirtschaftssimulator womme mol schnäll cha bitz ummespiele demit!

eigendlig unbeschriblig. Y probiers trotzdäm. Dr Verein isch näbscht dr Fasnacht s wichtigschte Kulturguet vo dr Region. Är stoht für Kollege und vereint au sunscht alli gsellschaftliche Schichte. Dä Club löst so viil Emotione us. Dr FCB isch für mi e Läbensihstellig.

dr einzyg wahry fuessballklub!

viel besser ohni Bernhard Burgener.

E grosses Stügg Heimat, wo ich do in Basel gfunde ha, obwohl ich e „Usswärtigi“ bi. Das will ich uf gar kei Fall verliere.

FCB Fän kasch nit wärde, FCB Fän das muesch sy.
Syyt 1965

…e Härzensaglägeheit!

Freud, Emotione,,Begaischterig, Familie

mitlääbe, mitliebe, mitliide.

….mi Haimwääg ufm Hiiwääg. Aber trotzdäm grad e Einbahnstross….

… dä Club wo mi Härz überlauft – und kei Gäldwäschereyobjäggt.

all Nacht dr glyychi Draum:
Dr Burgener sait zu sym Assistänt,
loos, Heri, das isch dr Momänt,
yych due dr FCB in Basler Händ verkaufe,
so kaa dä Laade wieder lauffe.
All Morge s’glyych bees Verwache:
Die Zwai sin no do, drum sag ich’s noonemol,
Zyt zem goo, sofort – lääbet wohl!

LaLaLaLaLaLaLa LaLaLaLaa LaLaLaLaa
Für di würd ich
LaLaLaLaLaLaLa LaLaLaLaa LaLaLaLaa

öffentlichs Guet. Är ghört dr Stadt, Region und allne Mensche, wo sich drfür begaischtere.
Är isch kai Spekulations-/ und Wirtschaftsplattform!

E Stügg Heimet…………

e Seich ohni Ceccaroni!

Dr FCB Isch e Teil vom Läbe, für mi, d‘ Stadt, d’Region und viili Mensche in dr ganze Schwiiz.

ä Dail vo mim Läbe. Dr FCB isch Kultur, Familie, Sport und ä Dail vo BASEL!

Unbeschrieblichi Emotione, bi Sunneschiin & Räge, für immer Rotblau.

alles‼️ in guete wie in schlechte zite rotblau
de verein bedüted mir alles aber wenn en typ meint er muess mini grossi liebi gege d’wand fahre finanziell bringt mir das schlooflosi nächt!
die fahrte usem aargau nach basel jedes wuchenend vermissi❤️💙

das, wome wytergit.

Au in weniger erfolgryyche Zytte d Nummere 1

Mit rotblauem Bluet gebore und sit 50 Johr gueti aber au schlächti Zite mit em FCB erläbt. Vieli wänn nur zum FCB stoh wenn er erfolgrich isch, das isch aber nit richtig, denn wenns schlächt goht sin mir au derbie!

mee als was me seht oder was me weiss! 

Mini Motivation, Familie, Lyydeschaft, eifach e Härzensaglägeheit und öbbis wo mich mis Läbe lang begleite wird und nit emol dr Tod uns trenne ka – FCB mr liebe di!

hoffentlig au none Teil vo minere Zuekunft.
Denn bi Sunneschyn und Räge…

Alles was mir wichtig isch.

Dr FCB isch für mi mehr als e Club, oder e Mannschaft. Er isch Läbensinhalt und Läbensihstellig.
Für RotBlau stand ich yy & ahne!

Die ersti Grossi und die einzig Wohri Liebi! Dr FCB isch durch sgänze Läbe duure e wichtige Teil gsi und wird das au immer bliibe. sJoggeli isch mi dahai, e Ort wo Frünnde und Familie striiterei und Sorge könne vergässe und sich eifach RotBlaue Emotione könne hiigäh

… vererbti Familiegschicht! Gmeinsams Juble, gmeinsams Hoffe, gmeinsams Ufrege und Durekeie.

E♥️ Aglägeheit, eimoll FcB immer FcB

Emotionen, Verbundeheit und aifach Basel!

S Härz für e FCB wo me über Generatione wyter git

Emotion und Tradition

e Faszination, wo so viel Mensche verbindet und begaischteret.
e rotblaus Füür, wo in so vielne Härze und Seele wohnt.
eifach e Agläägeheit für s Härz und nit für dr Profit.

Rotblau bis in Tod

Eine Lebenseinstellung – von der Geburt bis zum Tod und darüber hinaus!

… mi Härzensclub mit dem i syt 1970 mitfiebere und immer wider an Uswärtsspiel in ganz Europa begleitet ha (so au 1980 noch Belgrad).

es dehei und eh liebi! eh Fuessballclub wo so grandiosi, magischi und unvergässlichi Nächt het dörfe erläbe! Fuessball isch de Sport uf de Wält und sött ned kaputt gmacht wärde vo lüt wo kei erfahrige bringed! FCB mer liebe dii! und ned d füehrig!! Jetzt muess öppis passiere!

alles und no bizli meh. Rotblau stoot für alles und doch nur für di. Mit em FCB hani di schönschte und au truurigschte Momänte in mim Läbä könne miterläbä. Basel bietet mir in schwierige wie au in sunnige Zyte Halt und losst mi während 90Minute und no meh, alles andere vrgässe.

Dr letscht romantischi Ort, wo unseri vielfältigi Gsellschaft generationeübergrifend ä gliche Nenner het.

syt Daag eins mi Verein und grossi Liebi! Syt eh und jeh alles nur fyr di FCB!!! Ich hoff dä wirsch wider dä FCB wie ich di immer ha dörfe erläbe, aber unter derä Füehrig chani mir das eifach nit vorstelle…hoff dä erholsch di bald wider und diä Investore blibe dir färn!!!

… immer allles gäh!

dä Ort wo sich en grossteil vo mim soziale Läbe abspielt und dodrmit au als Anker in herusfordernde Zite fungiere kha.

…Emotione, Liebi❤💙Treui
E gaaaaaanz wichtige Teil vo mim Läbe!!!

de Verein wo mich cha so begeistere, dass ich alles andere vergiss. Ich han scho viel chöne fiire mit dem Verein aber au scho viel müsse liede. Für mich verbindets au d Mensche in de Region.

Beaucoup de souvenirs et d’émotions passés en famille.

Für immer RotBlau.
Vo einere Generation zur Nägschte
Was au basiert
Mir stöön zum FCB

e Teil vo dr persönliche Identität wie d’Auge wome het oder d’Sprooch wome redet.

Ich bin seit 1985 mit dem FCB verbunden, mein Vater war schon immer FCB Fan und ich habe es nun meinem kleinen Sohn ebenfalls weitergegeben, er war mit 3 Monaten das erste mal im Stadion dabei. Nun ist er 5 Jahre und schläft am liebsten nur noch im FCB Pyjama. Für immer rotblau!

…vielmehr als eifach nur Fuessball. Verbundeheit, Emotione, Erläbnis, Erinnerige und vieles mehr

mi Klub sit i Kind bi gsi. Isch e Teil vo mim Läbe. Macht Freud wenn er gwünnt und Leid wenn er verliert. Isch öppis wo mi begleitet bis i stirb. Isch e Härzensaglegeheit. Und momentan macht s Härz weh wenn i sie seh spiele. Kunnt hoffentlich wider e besseri Periode

e Liideschaft, Emotione, Liebi und somit e wichtige Teil vo mim Läbe❤️💙 Rotblau bis in Tod

FCB is for me a big family club, it makes a whole city come together , all ages, all nationalities, everybody is there to celebrate and help the players to victory. Fc Basel has a winning culture, loosing is never an option , every lost is taken personal . FCB IS FOOTBALL!

das Füür, wo niemols erlischt!

Mi Läbensinhalt, d’Nr1. ob bi Sunneschyyn oder Rääge. S git eigentli kei Wort wo das träffend würd beschriebe.

mini erschti grossi Liebi, e Liideschaft, wo mi fiire und liide losst.

mi Verein sit eh und je, bsunders sitm erste Live-Match als chline Bueb (Swisscom Cup / FC Liestal vs. FC Basel 1:6 / 2006)

mini rotblaue Liebi sit 1989.
#burgenerout #heriout #sforzaout

Ebbis wo my s Lääbe lang wird beglaite, emol meehr, emol e weeneli weeniger aber är wird immer in mym Härze syy und gheert zue mir.

emotione u mis läbe – eifach aues!

… e grosse Teil vom Läbe, dr wichtigst Ort fürs soziale Umfäld und füre Ustusch.

mee als e Verein. Är ghört zu mim Lääbe drzue. Dr Burgener und Heri ghööre net drzue. Uff dass alles besser wird (ohni die beide)!

Gumpe, zünde, Lieder schreye, Fahne schwänke, duregheie. Meh als nur e Fuessballverein wo mi Härz sit klei uff lost loh schnäller schloh und mi ständig begleitet, egal wo mi s Läbe ahnefiehrt.

Freud und Leid. Scho syt klei uff e ständige Begleiter und dr Grund für unbeschrieblichi Momänt, wo eim niemer ka näh – und genauso sölls au mitm FCB si!

Kindheitserinnerigge, Emotione, Traditione, Treui & Hoffnig. -Mir sind Basel.

mis rotblaue Delirium.

liebi wo me witer git

….e Familietradition! Vo mim Vater übergäh, über mi Partner und jetzt an mi Sohn witergäh….

Freyheit & Emotione

joorelang e däglichs Trikotwäsche vo mim damals 3 jährige Sohn gsi, will er nüt anders het wellä azieh… hüt treit er wie fascht all sini Fründe im Ortsverein nüm s‘Trikot vom FCB sondern das vo sim Ortsverein oder eme andere Verein wie im Fall vo mim Sohn vom BVB…

vo mir us widr 21 Joohr, 9 Mönet und 24 Dääg ufe nöggste Titel warte wenn nur s Härz vom Club rotblau blibt. Und Ignorante wie Burgener/Heri odr Investore wie Centricus könne das nid begriffe, geschweige denn umsetze.

Vell Emotione ond magischi Nächt… Be met mim Brüeder sed 18 Jahr go FCB Mätsch luege. Hend mehreri Jahr d Saisonkarte gha. D Verbundeheit zum Club esch emmer no doh, aber leider gönd emmer mehr traditionelli Wärt verlore. Es bliibt för emmer FC Basel, aber es muss etz öppis go!

Haltig zeige.

mee als e Institution! E Wägbegleiter syt minere Kindheit und hoffentlig no viel länger!

e Liebi, wo nie vergillbt.

Liideschafft, Früünde, Freud, Leid und ….. zämme…

langi Joor ä Herzensaglegeheit gsi, aber es wird immer schwiriger. Offesichtlich will do öpper alles kabutt mache…

e Droge.

En teil vo mim lebe Emotione, liedeschaft eifach es unbeschrieblichs gfühl
FÜR IMMER UND EH DAAG ❤️❤️💙💙

dr Bewis das das mit em Treu-si funktioniert.

Dr roti Fade wo durch mis Läbe goht, s blaue Band wo Familie und Fründschafte zämehebt!!

e Verein, wo jederziit und für alli FCB-Fans griffbar bliibe muess. Dr FCB isch Basel und Basel isch dr FCB.

Liedeschaft

nit in Wort z fasse! Ganz sicher überlöön mir Di nit an ere Briefkaschtefirma.
Sunscht goht alles dr Bach ab.

ALLES! Eine solche Liebe kann man nicht in Worte fassen. Nichts auf der Welt darf und kann uns trennen …

…nümme das, wos vor 4 johr isch gsi. FCB vorwärts marsch!

au ä wychtig sphärisch, kindlichs Grummle fyrs Lüchte vo dr Stadt, fyr d Gsellschaft, letschtlich fyr uns alli – wie d Basler Fasnacht – um gege so vyles kenne z beschtooh, wo s täglig Läbe umtrybt und y-ängt. Beseelti FCB-Fiehrigskräft: die verstöhn und wirgä dementsprächend…

Abgse vo de sportliche Höheflüg in de letschte beide Joohrzähnt au näbem Platz e Vorbild gse. E Club wo mitre ehrliche Art und enre klare Kommunikation Nochhaltigkeit & Beteiligung gläbt het. Er isch für Prinzipie igstande wo über dr kommerziell Erfolg gange sinn. Die ganzi Arbet wird grad kaputt gmacht. Drum: Zrugg zur Demut und erscht rächt kei Verkauf an Inveschtore wo die Wärt egal sin.

E treue Begleiter egal in wellere Läbenslag. Es Gfühl wo mi begleidet uf dr ganze Welt.. Emotione wo keini Grenze kenne. E Ort wo Fründschafte gläbt wärde. E Kompass für Reise in Ostblock. E Ort voller Erinnerige. E Liebi wo nie wird ände. E Teil vo dr Identitet in dere Stadt.

Aceto Balsamico! Doch im Momänt nur e ,,Leyde am Stei“.

E Härzensaglägeheit für die ganz Familie. D’Bedütig vom Fanläbe het mir mi Bappe und dr Götti vermittlet. Ych gib die wichtige Wärt jetzt mine zwei Buebe wytter. Bi Sunneschiin und Räge!

d‘DNA vo Basel. Vererbt vo Generation zu Generation – syt Generatione. Rotblau für immer. Unverpflanzbar und untrennbar verbunde mit Basel. Nur vo Basel aber für alli, wo sich infiziere löhn vom Zauber und vo dr Magie vom FCB.

Vyl meh, als do platz het, unzähligi erinnerige, begägnige, fründschafte, emotione, e teil vom mim läbe, ysatz und commitment für und mit em FCB, uf em platz, näbem platz, im büro, dehäi… – vo allne!
Do mit mim ex-lehrling «LV» #gätzig-blyybe-au-wenn-d’fyerig-schrott-produziert

de besti Fussballclub

e sehr e fragils Basler Kulturguet, wome vor de gfrässige in- und ussländische Schpekulationshaie notfallmässig rette muess. Subito!

Emotionen seit 42 Jahren

weil ich auch schon beim Abstieg Fan und das live mitbekommen habe

mis Härz. Er ghört zu Basel und das soll so bliebe.

e härzensaglägeheit bi jedem Wätter und e Ort vo Fründschaft und Familie.

Familie, Tradition, Rot= Liebi , Blau= Die Ewigi Treue
Für immer FCB Fan

aigentlig unbeschryblig…doch im Momänt wiene Kind, wo mr bedingigslos liebt und trotzdäm muess häge und pfläge..sunscht schreits

…Zämeghörikeit und Emotione! Und nei, Herr Burgener, wenn dr Erfolg zrug chunt, isch nid alles wieder guet!

E Familieaagläägeheit in 5 Generatione!

meh als eifach nur e Fuessballclub. Är isch e Idee, wo Lüt us allne Schichte und verschiedenschte politische Richtige unter aim Dach vereint.
Die Idee gsehni in grosser Gfohr, wenn unsere FCB an usländischi Investore verkauft wird.

Warte uff besseri zyte

FCB Fän kasch nit wärde, FCB Fän das muesch syy.

Syt ich e klaine Bueb bin isch de Fcb e wägbegleiter für mich. Familie, so wie Fründe verbindet dr Fcb.

… e Faszination, wo begaischteret, begleitet und Härze loht loh tanze, wie Fötzeli im Wind.

dr Grund, wiesoo mer e Woonig mit Sicht ufe Landhof gnoo ha – wo mer s Härz losst lo hööcher schloo, wenn mi Soon bim schutte s rotblau Lyybli aahet – und wo schone mänge Strytt über Fuessball fascht het lo handgryfflig ände.

E treue Wägbegleiter sit 1979. I bi mit 6i zerscht mal mit mim Unggle ins Joggeli und vo den ah hets für mi als Thuner numme no dr FCB gäh. Dr FCB isch au eine vo de Gründ, dass i im 1996 Basel zu mim Läbensmittelpunkt gmacht ha und jetzt scho 25 Jahr in Basel dehai bin.

Dr FCB kasch an d Wand mole … abr nit an d Wand fahre!

mee als e Verain

meh als e Verein. Ich ha die letzte 18 Johr, sit ich s erst Mol im Stadion gse be, alli grosse Spell derfe meterlebe. Wenn Kurve singt und s Stadion mitmacht, wirds jedem Gegner unwohl ufem Rase. Die Chraft vo de Fans, die Magie vom Joggeli, eifach alles.

Für immer und ei Daag❤

Alles und noh bizli meh… Zäme Gipfel überwinde. Die rotblaue Farbe ynd Welt draage.

En riesigi Liedeschaft. Er chunt für mich an erster Stell nach Familie, Kollege und schaffe. Was im moment passiert isch zwar ned schön aber es verchlinert mini Liebi zu ihm ned. Sie wird ehner grösser will ich mich zu ihm verbunde fühle. Aber nur wenn de Verein ide Stadt bliibt.

E rotblaui family!
Mir sinn in de familycorner ca 10 Personen, mir hänn uns au dört kenne glehrt und sinn sitt mehr als 20johr an jedem Heimspiel mit Kinder und enkelkinder, aber e so e truurigi Gschicht isch nid e moll de abschtieg in d nati- b gsi!!
Profitgier!!!!! Truurig

E Teil vo mir und Basel

…mol öbbis gsi, woruf me het könne stolz sii. Siit über 3.5 Johr isch das verbii. Es wird Zyt, dass wieder Lüüt s’Rueder übernähme, wo au würdigi Kapitän vo däm einscht stolze Schiff sii könne. Das Duo infernale muess abträtte.

E Härzensahglägeheit wofür mehr jetzt erst recht muss Yystoo!

Näbe Familie und Fründe s wichtigste im Lääbe.
Är isch kai Firma!
B. Burgener und Co. zerstöre grad alles was dä Club usmacht.
Resiliänt blibe!

E rot ond blaui Farbegstalt, wonderschön git mir Halt. Ond för immer ond am Tag Di z‘gseh als Teil vo Dir ohhhh FCB 💙❤️ #Vale ein vo uns!

Dr FCB isch für mich als Baselbieter fest in dr DNA dinne. Fu chlei uf wachst meh mit dem Verein uf got and Heimspiel und freut sich uf jedes spiel, s Resultat isch nid wichtig, es got um Liedeschafft, Bereitschaft und Teamgeist. Eigeschafte wo aktuell verlohre gönd ES LÄNGT

soviel mee wie nur e Fahne, jedes Wort wär z schwach drfür.
Dass dr Gaischt vo St. Jakob au zuekünftig ka witer gläbt und witergäh wärde gits numme ei Wäg. Burgener: S isch Zit zum goo!

Tradition, Füür, Lydeschaft und Emotione. <3
Für immer rotblau ❤️💙

Sit 41 Joor mit Härzbluet und Engagement derby!, im Joggeli ,Uswärts und in ganz Europa!
Ich will Di no witeri Joor begleite.. Du darfsch nit in ferndi Händ goh…..

…dr Ursprung vo unzählige prägende Erläbnis, Emotione und Gschichte. Es gäbt unändlig viel z verzelle und doch ischs kuum in Wort z fasse.

Fahne, Faggle & no mee…

Verbundeheit zu dr Stadt, Familie, d Liebi und Fründschaft

eifach mega, wenn ich mit em Papi an Match kah, freu ich mi völlig.
Tim

Tradition, zämmehalt und identität

e Verein – ich ghör au drzue.
Und d lüt sage, lueg dä ghört au drzue.
Und mängmol ghör ich wirklich drzue.
Und ich stand drzue!